首頁
28/02/2009
謝霆鋒講過：「娶佢日已經知佢係咩人！」娶得張芝過門，謝霆鋒預會有呢一日。
心掌管感性，而大腦則掌管理性，芝係一個感性人，所做每一個決定，都係從心出發，包括當日搭上陳冠希，芝第六感話佢聽，想做就做！
如今，內心話畀芝聽係時候爆大鑊，將過去一年鬱悶一次過原子彈式爆發，床照男女瓜葛似係逐步解謎，不留情面咁撕開陳冠希真面目，怒指陳氏貓哭老鼠假慈悲，一方面話自己會盡力保護女受害人，另一方面對女受害人連一句道歉都冇，將陳冠希體無完膚咁鞭撻，呢一刻，芝萬夫莫阻；呢一刻，重點並非佢大爆特爆，而係佢勇氣同氣度。
重生站起來
其實，各位會唔會太過大驚小怪呢？只要知道芝係何許人，就算係霆鋒都唔會覺得係一件「不光彩」事，呢個社會唔係要求高透明度咩！芝此舉正合晒觀眾胃口呀！
包剪詫異係，芝如此一個率性動物，竟然心腦交戰下，理性打敗感性？床照過後，懂得自我批判，呢一年選擇對人退避三舍，係唔係床照一事，令佢過盡千帆，誓要和盤托出一切，令自己重生？
過去一年，芝再冇高調做騷，招搖過市般如王后出巡。日間，只係見佢閒時抱住Lucas弄兒為樂；夜晚，不知幾次為事件淚濕霆鋒衣襟，哭過痛過後，芝驀然回首，方知道作出感性決定前，係需要理性去分析。
要帶眼識人
當初搭上陳冠希，以為只係一杯白開水，一喝而盡為求解渴，點知身體冇海水化淡廠，將鹽分過濾，原來呢杯開水含有大腸桿菌兼三聚氰胺，一杯落肚，為時已晚。一場大病過後，芝唔單止康復過來，依家仲用過來人身份，人用理性帶眼識人，一句「陳冠希擘大眼講大話」。就係最好明證。另一方面，佢亦都話：「錯就要認，打要企定。」你有你講大話，我唔好再錯就得喇！原來Everything is Alright！
芝係「咩人」唔重要，霆鋒一個知道就已經足夠。反而，芝識得批判自己更令人值得學習，「錯而改之，善莫大焉」，連感性芝都可以做到，咁！自誇用腦去審時度勢特區政府又點呢？我們似看不到將來。
本文引用自太陽報http://the-sun.on.cc/channels/ent/20090228/20090228002853_0000.html
謝霆鋒講過：「娶佢日已經知佢係咩人！」娶得張芝過門，謝霆鋒預會有呢一日。
心掌管感性，而大腦則掌管理性，芝係一個感性人，所做每一個決定，都係從心出發，包括當日搭上陳冠希，芝第六感話佢聽，想做就做！
如今，內心話畀芝聽係時候爆大鑊，將過去一年鬱悶一次過原子彈式爆發，床照男女瓜葛似係逐步解謎，不留情面咁撕開陳冠希真面目，怒指陳氏貓哭老鼠假慈悲，一方面話自己會盡力保護女受害人，另一方面對女受害人連一句道歉都冇，將陳冠希體無完膚咁鞭撻，呢一刻，芝萬夫莫阻；呢一刻，重點並非佢大爆特爆，而係佢勇氣同氣度。
重生站起來
其實，各位會唔會太過大驚小怪呢？只要知道芝係何許人，就算係霆鋒都唔會覺得係一件「不光彩」事，呢個社會唔係要求高透明度咩！芝此舉正合晒觀眾胃口呀！
包剪詫異係，芝如此一個率性動物，竟然心腦交戰下，理性打敗感性？床照過後，懂得自我批判，呢一年選擇對人退避三舍，係唔係床照一事，令佢過盡千帆，誓要和盤托出一切，令自己重生？
過去一年，芝再冇高調做騷，招搖過市般如王后出巡。日間，只係見佢閒時抱住Lucas弄兒為樂；夜晚，不知幾次為事件淚濕霆鋒衣襟，哭過痛過後，芝驀然回首，方知道作出感性決定前，係需要理性去分析。
要帶眼識人
當初搭上陳冠希，以為只係一杯白開水，一喝而盡為求解渴，點知身體冇海水化淡廠，將鹽分過濾，原來呢杯開水含有大腸桿菌兼三聚氰胺，一杯落肚，為時已晚。一場大病過後，芝唔單止康復過來，依家仲用過來人身份，人用理性帶眼識人，一句「陳冠希擘大眼講大話」。就係最好明證。另一方面，佢亦都話：「錯就要認，打要企定。」你有你講大話，我唔好再錯就得喇！原來Everything is Alright！
芝係「咩人」唔重要，霆鋒一個知道就已經足夠。反而，芝識得批判自己更令人值得學習，「錯而改之，善莫大焉」，連感性芝都可以做到，咁！自誇用腦去審時度勢特區政府又點呢？我們似看不到將來。
本文引用自太陽報http://the-sun.on.cc/channels/ent/20090228/20090228002853_0000.html
