首頁
17/11/2008
點解黑白是非可以如此顛倒，人性可以如此扭曲，新聞可以如此混淆視聽，唔通讀者都係咁愚昧無知？咪以為指鹿為馬就有無限信徒，呢個西洋鏡最終都會被拆穿。
梁洛施同英皇單官司，最近終於解決，同門師兄謝霆鋒日語重心長咁話：「對呢件事我有少少失望……唔會企任何一邊……做人要飲水思源………」跟住再回應係咪約滿自立門戶，霆鋒就話：「張約未滿，約滿先講。」
做好呢份工何來異心
霆鋒呢番說話，竟然畀人演繹為「自己存異心，勸人飲水思源」。咁都得！
點解霆鋒一句簡單說話意思可以完全扭曲？呢咪正正係顛倒是非、混淆視聽低莊手法囉！
段報道潛在意思，即係話霆鋒勸人飲水思源，自己又唔飲水思源，仲心存異心；擺明話你其身不正，講氣啦！
喂！先要搞清楚，就算霆鋒約滿自立門戶，都唔可以解讀為唔飲水思源。一個藝人，只要合約期內安分守己，唔起娘家飛腳，唔搵闊佬撐腰，唔存非分之想，畀心機做好呢份工，咁工作態度，絕對算得上飲水思源。
今時今日霆鋒做任何工作，都按足本子辦事，為自己又好，為公司又好，都係做好呢份工好榜樣，咁點算唔飲水思源！請問梁洛施工作態度係點？有冇做好呢份工？有目共睹啦！豈可混為一談。
借人過橋司馬昭之心
至於話約滿後拜拜，平常不過啦！有人鍾意一份工打一世，有人唔鍾意成世打死一份工，咁約滿之後有乜打算，都係你情我願，天公地道，點算係異心！
所以，霆鋒說話畀人扭曲解讀，司馬昭之心，明眼人一睇就知啦！想撐梁洛施並非忘本之人，冇所謂，唔該出理據；如今借霆鋒過橋，踩佢膊頭畀位梁洛施上，呢種微末伎倆，可謂低手之極。
藝人同傳媒本來唇齒相依，但近年關係日益惡化，實乃顛倒黑白惡果；再加上某不良採訪手法，好似李亞鵬帶阿菲同囡囡去不丹，飲偉仔同嘉玲餐喜酒，都可以畀人肆意挑釁，有乜辦法衝突唔愈演愈烈！
點解唔可以你好我好，重新建立互信關係？假如罔顧操守、互不尊重，新聞失實，咁搞法！傳媒唔好、藝人唔好、讀者唔好，只有三敗俱傷。睇要掃走歪風，撥亂反正，先可以達至三贏局面。
影片：http://tv.on.cc/index.html?s=3&ss=15&i=OEM081117-11364-101M&d=1226853030
本文引用自太陽報http://the-sun.on.cc/channels/ent/20081117/20081116235529_0000.html
點解黑白是非可以如此顛倒，人性可以如此扭曲，新聞可以如此混淆視聽，唔通讀者都係咁愚昧無知？咪以為指鹿為馬就有無限信徒，呢個西洋鏡最終都會被拆穿。
梁洛施同英皇單官司，最近終於解決，同門師兄謝霆鋒日語重心長咁話：「對呢件事我有少少失望……唔會企任何一邊……做人要飲水思源………」跟住再回應係咪約滿自立門戶，霆鋒就話：「張約未滿，約滿先講。」
做好呢份工何來異心
霆鋒呢番說話，竟然畀人演繹為「自己存異心，勸人飲水思源」。咁都得！
點解霆鋒一句簡單說話意思可以完全扭曲？呢咪正正係顛倒是非、混淆視聽低莊手法囉！
段報道潛在意思，即係話霆鋒勸人飲水思源，自己又唔飲水思源，仲心存異心；擺明話你其身不正，講氣啦！
喂！先要搞清楚，就算霆鋒約滿自立門戶，都唔可以解讀為唔飲水思源。一個藝人，只要合約期內安分守己，唔起娘家飛腳，唔搵闊佬撐腰，唔存非分之想，畀心機做好呢份工，咁工作態度，絕對算得上飲水思源。
今時今日霆鋒做任何工作，都按足本子辦事，為自己又好，為公司又好，都係做好呢份工好榜樣，咁點算唔飲水思源！請問梁洛施工作態度係點？有冇做好呢份工？有目共睹啦！豈可混為一談。
借人過橋司馬昭之心
至於話約滿後拜拜，平常不過啦！有人鍾意一份工打一世，有人唔鍾意成世打死一份工，咁約滿之後有乜打算，都係你情我願，天公地道，點算係異心！
所以，霆鋒說話畀人扭曲解讀，司馬昭之心，明眼人一睇就知啦！想撐梁洛施並非忘本之人，冇所謂，唔該出理據；如今借霆鋒過橋，踩佢膊頭畀位梁洛施上，呢種微末伎倆，可謂低手之極。
藝人同傳媒本來唇齒相依，但近年關係日益惡化，實乃顛倒黑白惡果；再加上某不良採訪手法，好似李亞鵬帶阿菲同囡囡去不丹，飲偉仔同嘉玲餐喜酒，都可以畀人肆意挑釁，有乜辦法衝突唔愈演愈烈！
點解唔可以你好我好，重新建立互信關係？假如罔顧操守、互不尊重，新聞失實，咁搞法！傳媒唔好、藝人唔好、讀者唔好，只有三敗俱傷。睇要掃走歪風，撥亂反正，先可以達至三贏局面。
影片：http://tv.on.cc/index.html?s=3&ss=15&i=OEM081117-11364-101M&d=1226853030
本文引用自太陽報http://the-sun.on.cc/channels/ent/20081117/20081116235529_0000.html
