首頁
09/11/2008
由出世的第一日，謝霆鋒注定吃娛樂圈這行飯，但他從不覺得自己適合這個圈，因為不夠圓滑，經常開口得罪人，但仍堅持「自我」兩個字。兩年前，突然與張芝結婚，今年初太太捲入床照風波，自認大男人的他已學懂「包容」兩個字，這就是真愛吧！霆鋒說：「過去事，我唔會再出講，由結婚第一日，一切都係新開始，我識佢咁耐，唔通我唔知佢係咩人？以前我同佢都一樣咁癲，大家火星撞地球，但我見到佢內心深處一面，我唔知點形容呢種感覺，依家多個仔，大家感情一定更鞏固。」
有子萬事足
為了這頭家，霆鋒今年豪擲一億買下獨立屋，一家三口過幸福生活，如今有子萬事足的他坦言，為了妻兒會更加拚搏：「老婆好錫個仔Lucas，將全部心機放晒落去，復出？暫時唔會喇！不過佢有少少唔忿氣，問點解個仔淨係識叫爸爸。其實我依家已經好滿足，有個好老婆，有個咁可愛仔，仲想點。」
面對如今Lucas成為大眾目光，霆鋒也覺頭痕：「自己由細到大都畀人影，我真係想個仔生活可以過得簡單，唔想佢呢張白紙咁快受污染。」
因為天生率直，霆鋒總是得罪人多稱呼人少，連他也承認不適合做香港藝人，但他態度照舊，因他對自己有要求：「問心，我講大家都知真定假，係難聽之嘛！講完之後，公司每次都插啦！插得多佢都放棄，話唔聽！雖然我由細到大都得到娛樂圈培訓，阿媽一早同我講，做得Artist第一件事就唔好認有女朋友，唔好認結婚，公司又同我講，認會冇晒Fans！阿仔！就算佢同我講過一萬次，我都係一樣，我唔怕冇人氣，今時今日我已經得到好多，十年前已經過好多獎，但我要唔係呢樣。」
拍打片肯搏
不知何時開始，霆鋒由拍文戲到近年變身動作演員，繼有《男兒本色》、《龍虎門》和《新警察故事》，即將上映的《証人》也是有血有肉。他問過導演何以找他拍動作片，得到的答案竟是「方便」兩個字，霆鋒說：「我又唔係成龍、吳京、李連杰，更加唔係武術底子，突然無啦啦搵我，要『會展』碌落，又要撞巴士，導演話搵霆鋒拍唔使花時間佢點打，而且我份人係傻，次次都好搏，老闆又覺得動作片最賣得，最有投資保障，到最後得出答案係搵我好方便。」
受傷等閒事
拍戲受傷在所難免，原來霆鋒每月會看兩至三次脊椎醫生，醫生總勸告他別再拍打戲，否則三十五歲要搵人扶住行：「我都知，我亦唔想第時抱唔起個仔，可能盡量少拍危險鏡頭。有次我拍完戲返，諗住入廁所食煙，佢就打開門Scan我，見到我背脊流血，問我：『呢咩！』我知佢心痛。依家有個導演想搵我拍一部打戲，仲話要好似荷里活式動作打法，我已經推。」
獲獎無數
現年28歲的霆鋒，由出生開始注定吃這一行飯，自小醉心音樂的他16歲加入樂壇，起初得不到外界肯定，後來憑一番努力，終於在樂壇上獲獎無數。電影方面，霆鋒至今拍過三十多部電影，98年憑《新古惑仔之少年激鬥篇》獲金像獎「最佳新演員」，06年更憑《新警察故事》奪得《第二十八屆百花獎》「最佳男配角」，演技進一步提升。
論盡好拍檔
今次霆鋒跟靜初、廖啟智和張家輝等合作，他坦然是一個很好的班底：「靜初係難得一個好演員，佢工作態度好專業，記得佢拍一場喊戲，可能其他女星一埋位就開水喉係咁喊，但靜初拍之前唔知去邊，返到就覺得佢內心沉澱好多，我覺得就算佢只係流一滴眼淚，都比水喉式眼淚來得有感情。至於智叔係我好敬重前輩，佢明知戲份唔係主位，但都好用心咁演，而家輝角色好搶，單睇造型已好有壓迫感。」
星級導演同道人
天生率性的霆鋒，對工作要求甚高，但從不奢求別人與他有一樣想法，幸而在電影旅途中，他遇上同道中人如導演陳凱歌、甄子丹和元彪，在合作過程中得到很大的滿足。
《中華英雄》 元彪
身為功夫武打巨星的元彪，拍打戲從不找替身，拳拳到肉，99年他與霆鋒合作電影《中華英雄》，當年醉心武術的霆鋒，坦言有幸與「七小福」之一的元彪合作。
《龍虎門》 甄子丹
身手了得的甄子丹，於電影《龍虎門》中，要求霆鋒打出真功夫，一向喜歡接受挑戰的霆鋒，為這部戲苦練武功。
《無極》 陳凱歌
內地著名導演陳凱歌對霆鋒的演技甚為欣賞，05年邀他與張芝拍攝電影《無極》，霆鋒坦言有幸拍這部大製作，而陳大導亦大讚霆鋒演技出色。
霆鋒表示和靜初合作，感到很開心。
霆鋒大讚靜初是難得的好演員，工作態度專業。
霆鋒承認不適合做藝人，因率直的性格很易得罪人。
本文引用自《太陽報》http://the-sun.on.cc/channels/fea/20081109/20081109013005_0000.html
由出世的第一日，謝霆鋒注定吃娛樂圈這行飯，但他從不覺得自己適合這個圈，因為不夠圓滑，經常開口得罪人，但仍堅持「自我」兩個字。兩年前，突然與張芝結婚，今年初太太捲入床照風波，自認大男人的他已學懂「包容」兩個字，這就是真愛吧！霆鋒說：「過去事，我唔會再出講，由結婚第一日，一切都係新開始，我識佢咁耐，唔通我唔知佢係咩人？以前我同佢都一樣咁癲，大家火星撞地球，但我見到佢內心深處一面，我唔知點形容呢種感覺，依家多個仔，大家感情一定更鞏固。」
有子萬事足
為了這頭家，霆鋒今年豪擲一億買下獨立屋，一家三口過幸福生活，如今有子萬事足的他坦言，為了妻兒會更加拚搏：「老婆好錫個仔Lucas，將全部心機放晒落去，復出？暫時唔會喇！不過佢有少少唔忿氣，問點解個仔淨係識叫爸爸。其實我依家已經好滿足，有個好老婆，有個咁可愛仔，仲想點。」
面對如今Lucas成為大眾目光，霆鋒也覺頭痕：「自己由細到大都畀人影，我真係想個仔生活可以過得簡單，唔想佢呢張白紙咁快受污染。」
因為天生率直，霆鋒總是得罪人多稱呼人少，連他也承認不適合做香港藝人，但他態度照舊，因他對自己有要求：「問心，我講大家都知真定假，係難聽之嘛！講完之後，公司每次都插啦！插得多佢都放棄，話唔聽！雖然我由細到大都得到娛樂圈培訓，阿媽一早同我講，做得Artist第一件事就唔好認有女朋友，唔好認結婚，公司又同我講，認會冇晒Fans！阿仔！就算佢同我講過一萬次，我都係一樣，我唔怕冇人氣，今時今日我已經得到好多，十年前已經過好多獎，但我要唔係呢樣。」
拍打片肯搏
不知何時開始，霆鋒由拍文戲到近年變身動作演員，繼有《男兒本色》、《龍虎門》和《新警察故事》，即將上映的《証人》也是有血有肉。他問過導演何以找他拍動作片，得到的答案竟是「方便」兩個字，霆鋒說：「我又唔係成龍、吳京、李連杰，更加唔係武術底子，突然無啦啦搵我，要『會展』碌落，又要撞巴士，導演話搵霆鋒拍唔使花時間佢點打，而且我份人係傻，次次都好搏，老闆又覺得動作片最賣得，最有投資保障，到最後得出答案係搵我好方便。」
受傷等閒事
拍戲受傷在所難免，原來霆鋒每月會看兩至三次脊椎醫生，醫生總勸告他別再拍打戲，否則三十五歲要搵人扶住行：「我都知，我亦唔想第時抱唔起個仔，可能盡量少拍危險鏡頭。有次我拍完戲返，諗住入廁所食煙，佢就打開門Scan我，見到我背脊流血，問我：『呢咩！』我知佢心痛。依家有個導演想搵我拍一部打戲，仲話要好似荷里活式動作打法，我已經推。」
獲獎無數
現年28歲的霆鋒，由出生開始注定吃這一行飯，自小醉心音樂的他16歲加入樂壇，起初得不到外界肯定，後來憑一番努力，終於在樂壇上獲獎無數。電影方面，霆鋒至今拍過三十多部電影，98年憑《新古惑仔之少年激鬥篇》獲金像獎「最佳新演員」，06年更憑《新警察故事》奪得《第二十八屆百花獎》「最佳男配角」，演技進一步提升。
論盡好拍檔
今次霆鋒跟靜初、廖啟智和張家輝等合作，他坦然是一個很好的班底：「靜初係難得一個好演員，佢工作態度好專業，記得佢拍一場喊戲，可能其他女星一埋位就開水喉係咁喊，但靜初拍之前唔知去邊，返到就覺得佢內心沉澱好多，我覺得就算佢只係流一滴眼淚，都比水喉式眼淚來得有感情。至於智叔係我好敬重前輩，佢明知戲份唔係主位，但都好用心咁演，而家輝角色好搶，單睇造型已好有壓迫感。」
星級導演同道人
天生率性的霆鋒，對工作要求甚高，但從不奢求別人與他有一樣想法，幸而在電影旅途中，他遇上同道中人如導演陳凱歌、甄子丹和元彪，在合作過程中得到很大的滿足。
《中華英雄》 元彪
身為功夫武打巨星的元彪，拍打戲從不找替身，拳拳到肉，99年他與霆鋒合作電影《中華英雄》，當年醉心武術的霆鋒，坦言有幸與「七小福」之一的元彪合作。
《龍虎門》 甄子丹
身手了得的甄子丹，於電影《龍虎門》中，要求霆鋒打出真功夫，一向喜歡接受挑戰的霆鋒，為這部戲苦練武功。
《無極》 陳凱歌
內地著名導演陳凱歌對霆鋒的演技甚為欣賞，05年邀他與張芝拍攝電影《無極》，霆鋒坦言有幸拍這部大製作，而陳大導亦大讚霆鋒演技出色。
霆鋒表示和靜初合作，感到很開心。
霆鋒大讚靜初是難得的好演員，工作態度專業。
霆鋒承認不適合做藝人，因率直的性格很易得罪人。
本文引用自《太陽報》http://the-sun.on.cc/channels/fea/20081109/20081109013005_0000.html
