謝霆鋒勁忙間唔中造人

近排屢傳張栢芝再度有喜，雖然老公謝霆鋒已作出否認，但傳聞一直沒完沒了，原來兩口子已有共識，為謝家繼續開枝散葉。昨日霆鋒於西貢為新片開工時，直認與太太履行造人大計，奈何工作繁忙，只能「間唔中」行事。


霆鋒否認栢芝再度懷孕的消息，但直認會與太太履行造人大計。

將飛北京工作
霆鋒與徐熙媛（大S）昨日為新片《熱辣辣》開工，由於雙方已相識十多年，縱使於大銀幕首度合作，但已盡顯默契。談到有傳栢芝再度懷孕，更專程飛到加拿大安胎，對此霆鋒笑說︰「梗係唔係，講咁耐，如果係咪安咗年幾胎？佢依家喺香港，之前就真係去咗歐洲。（咁栢芝係咪有咗？）唔係，（有冇努力緊？）間唔中啦！我又要拍戲又要登台，邊有時間，聽日已經要飛去北京天安門做十．一活動。」


大Ｓ以新髮型現身，形象清新。

霆鋒指原有意帶同太太及父親到場，無奈大會只批准表演者有一位貼身助手同行，所以最後惟有打消念頭。

大S剪新髮型
而剪了一頭新髮型的大S，透露片中演一名帥氣女生，不過劇組為保持神秘感，刻意把其造型保密。而慣以國語演戲的她，今回將處女下海以廣東話上陣，大S指部分發音複雜，故正努力苦練中。至於與栢芝甚為老友的她，被問會否相約對方見面，她謂：「妹妹過幾天會來香港玩，看看到時有沒有時間出來見面吧！」

文︰影視組