霆鋒拍戲熱到爆狂煲電話粥

謝霆鋒和劉家輝日前在鴨寮街，為新片《熱辣辣》拍攝掌摑場面，飾演父親的家輝，鏡頭前毫不留情「兜巴星」霆鋒，吸引大批市民圍觀。期間有市民睇到嘩嘩聲，但兩人未受影響，NG幾次便收貨。
當日氣溫高達逾30℃，霆鋒和家輝難抵酷熱天氣，趁未埋位時躲在鐵皮攤檔下抖抖。身穿紫色背心的霆鋒熱得汗流浹背，後來索性脫下波鞋抖涼，期間見他頻頻講電話，還陰聲細氣，看來是與太太張栢芝傾偈。


霆鋒（左）和劉家輝在鴨寮街拍戲，吸引途人圍觀。


霆鋒雖身穿背心，但仍熱得汗流浹背！


本文引用自太陽報
http://the-sun.on.cc/cnt/entertainment/20090909/00470_017.html?pubdate=20090909

已為人父的謝霆鋒，最近於新片《熱辣辣》演問題少年。日前他現身鴨寮街開工，拍攝一場被戲中父親劉家輝掌摑戲份。鏡頭前，家輝毫不留情對霆鋒「兜巴星」，有市民睇到嘩嘩聲，不過兩人並未受影響，結果幾take便收貨。

講電話冧爆
身穿紫色背心的霆鋒難抵酷熱天氣，趁未埋位前躲在有瓦遮頭的小攤檔內避太陽，及後更脫下波鞋散熱。期間霆鋒頻頻講電話，只見他邊講邊笑，一副冧爆樣子，看來是與太太栢芝對話。

後來再有市民聞「鋒」而至，還拿出相機拍照，不過工作人員卻以電影拍攝為由，阻止傳媒及市民拍照，令霆鋒大感無奈。

暢談湊仔經
首次與霆鋒飾演父子的家輝，自爆經常趁空檔與對方談湊仔樂，他說：「雖然唔太熟，但問佢個仔Lucas，佢都講得好開心。（有冇傳授演戲心得？）你估霆鋒係新人咩！（咁你頭先兜巴摑霆鋒NG多唔多？）放心，我識得借位唔會痛，因為要多角度，所以先拍咗幾次。」

文：影視組



劉家輝與霆鋒當街拍鬧交戲，吸引大批市民駐足觀看。


天氣炎熱，霆鋒到小攤檔乘涼。


本文引用自東方日報http://orientaldaily.on.cc/cnt/entertainment/20090909/00282_037.html?pubdate=20090909